واقعہ سامنے آنے کے بعد ضلع کے عوامی نمائندوں اور سیاسی حلقوں میں بھی ناراضگی کا ماحول بتایا جا رہا ہے۔ جوائنٹ مجسٹریٹ رنکو سنگھ راہی اس سے پہلے بھی تاجروں کے ساتھ تنازعہ کو لے کر سرخیوں میں رہ چکے ہیں۔ فی الحال ضلع مجسٹریٹ راجیش کمار پانڈے نے معاملے کی غیر جانب دارانہ جانچ کے لیے 5 رکنی کمیٹی تشکیل دے دی ہے۔ اس کے ساتھ ہی جالون تحصیل کے ایس ڈی ایم رنکو سنگھ راہی کو عہدے سے ہٹا دیا گیا ہے۔ ان کی جگہ راکیش کمار سونی کو جالون کا نیا ایس ڈی ایم مقرر کیا گیا ہے۔ رنکو سنگھ راہی کو جوائنٹ مجسٹریٹ/ایس ڈی ایم (عدالتی) اورئی کے عہدے پر تعینات کیا گیا ہے۔
